عراق الخير
كانت بيبي دائما تقول العراق هوا ارض الخير, هوا بلد الخير, ف شنو جانت تقصد يا ترى؟
العراق الموجود بالاخبار عبارة عن دمار وحرب وحزن , هذه هيا الصورة المنشورة عنا حاليا , لكن لو قربنا وكبرنا وبدينا ننظر للاشياء الي الاعلام ما منتبهلها , شنو رح نشوف؟
رح نشوف عراق الخير الي بيبي جانت تحجي بي. الي بي الجار يخاف على جاره, الي بي الحب والحنان الي بس بوطنك تحس بي, بي الناس الطيبة, بي المشاريع الي دا تحاول تنهض بالعراق.
عراقنا مهما اذاه الزمن , مهما تعب رح يقاوم و رح ينهض.
ب هذه المدونة رح نتعرف على مشاريع واحداث جديدة حصلت في العراق الي الاعلام اغفل عنها او بالاحرى صورة الدمار غلبت:
ادراج الاهوار العراقية في لائحة التراث العالمي, اهوار العراق الجميلة اخيرا اصبح معترف بها من قبل العالم, هذا الخبر كان اله طابع خاص , طابع فرحة وامل انه احنا بعدنا عراق الخير.
نهضة شباب الرافدين عبارة عن شباب عراقيين من كافة الجنسين يقومون ب اعمال تطوعية ل تأهيل اماكن عراقية من غير ولا مردود مادي الا الهدف المطلق وهو من اجل عراق افضل. ((((الفيسبوك)))
فكرة سبيس عبارة عن فكرة تهدف ل دعم افكار الشباب العراقيين وتوفير الدعم الهم من خلال الدعم المعنوي ومساعدتهم بمشاركة افكارهم مع ناس متحمسين ل صنع شيء مختلف بالعالم وعدم الاستسلام وبقاء الامل. ((( فيسوك )))
خلال 2016 تم تحسين نوعية المياه في 437 قرية في محافظة ميسان (( لعراق جديد فيسبوك))) , هذا ايضا دليل على التقدم الي دا يمر فيه العراق لكن الاعلام فقط ينقل الجانب السيئ
بالنهاية رغم كل الاحداث السيئة الي دا تصير بالعراق اكو بصيص امل لانه احنا بعدنا عراق الخير, عراق المحبة وعراق الامل. في هذه المدونات احنا رح نعطي فرصة للعراقيين عن التعبير عن انفسهم ونشر معرفة عندهم. ايضا رح دائما نكون مصدر الخبر الايجابي في قلوب الناس.
زينة اطيمش.
No Comment